Ajhan Arsllanovski ka lindur më 1 maj 1983 në Manastir. U rrit në një familje me prejardhje myslimane, me babanë, nënën dhe një vëlla. U martua me Kibarija Arsllanovskën në vitin 2007, me të cilën Perëndia u dha dy djem dhe një vajzë: Arhanin, Davidin dhe Asenetën. Sa i përket besimit në Krishtin, e para besoi bashkëshortja e tij, ndërsa pas një kohe besoi edhe Ajhani. Menjëherë pas kësaj të dy u pagëzuan dhe vendosën t’i vizitonin rregullisht shërbesat në Kishën Ungjillore. Si besimtar, ai shpesh e shoqëronte Tefik Musoskin (pastorin e mëparshëm të kishës në Bair, Manastir) në ngjarje ungjillëzuese dhe në përhapjen e ungjillit, e në këtë mënyrë u bë një nga shtyllat e kësaj kishe vendore. Në atë periudhë, Ajhani kishte përfunduar vetëm arsimin e mesëm laik, si mekanik automjetesh. Më vonë, Ajhani, së bashku me bashkëshorten e tij, shkuan në shkollën e krishterë “HUB-Beograd”, ku përfunduan një semestër. Ndërkohë, në hapësirat e ish-Jugosllavisë, nisi punën Shkolla Biblike Rome, e cila ka karakter të lëvizshëm, dhe Ajhani u regjistrua në të, ku përfundoi 18 muaj teori e praktikë.
Për shkak të përfshirjes së tij aktive në jetën e kishës, përmes shërbimit praktik, predikimit, ungjillëzimit e të tjera, më 7 prill 2024 Ajhani u shugurua plak në K.U. Bair-Manastir, ndërsa më 22.06.2025, me tërheqjen e pastorit Tefik nga pozita e pastorit, Ajhanit iu dorëzua kujdesi baritor për këtë kishë vendore.
